ہندو پنڈت نے اپنی کتابوں سے اسلام کو سچا ثابت کر دیا

Hindu Pandit Ne Apni Kitabon Se Islam Ko Sacha Sabit Kiya

بسم اللہ الرحمن الرحیم

اللہ رب العزت نے قرآن پاک میں ارشاد فرمایا ہے کہ اللہ کے نزدیک دین اسلام ہی ہے کسی سے اس کے علاوہ اور دین قبول نہیں کیا جائے گا

میں ایک ہندو پنڈت کی تحقیق سامنے رکھنے لگا ہوں

نئی دہلی:-( جی این این)ہندو مذہب کے ماننے والے اپنے جس :کالکی اوتار:(ہادی عالم)کا انتظار کر رہے ہیں وہ در حقیقت حضرت محمد صلی اللہ علیہ وآلہ وسلم کی ذت مقدسہ ہے جن کا ظہور آج سے چودہ صدیاں قبل ہو چکا ہے لہٰذا ہندوؤں کو اب کسی اور:کالکی اوتار: کے انتظار میں وقت ضائع نہیں کرنا چاہیے اور فوراً اسلام قبول کرلینا چاہیے اس امر کا انکشاف بھارت میں چھپنے والی ایک کتاب کالکی اوتار میں کیا جس نے پورے بھارت میں واویلا برپا کردیا ہے اس کتاب کا مصنف اگر کوئی مسلمان ہوتا تو اسے جیل کی سلاخوں کے پیچھے جانا پڑتا اور اس کی کتاب پر پابندی لگ جاتی لیکن اس کتاب کا مصنف ایک ہندو برہمن پنڈت ویدپرکاش ہے جو سنسکرت کا ممتاز عالم اور الہ آباد یونیورسٹی میں ایک اہم عہدہ پر متمکن ہے مصنف نے اپنی اس تحقیق کو بڑے پنڈتوں کے سامنے پیش کیا جو تحقیق کے میدان میں ممتاز مقام رکھتے ہیں اور بھارت کے بڑے مذہبی راہنماؤں میں شمار ہوتے ہیں ان پنڈتوں نے بھی وید پرکاش کی اس تحقیق کو درست تسلیم کیا مصنف نے اپنے اس دعویٰ کی حمایت میں ہندوؤں کی مقدس کتاب کے حوالے دیے ہیں مقدس کتاب ویدا میں درج ہے کہ بھگوان کا (آخری پیغمبر) کالکی اوتار ہوگا جو پوری دنیا کو رہنمائی فراہم کرے گا مصنف کہتا ہے کہ یہ بات صرف حضرت محمد صلی اللہ علیہ وآلہ وسلم پر صادق آتی ہے ہندو ازم کی پیشنگوئی کے مطابق کالکی اوتار ایک جزیرے میں جنم لے گا اور یہ حقیقت میں عرب کا علاقہ ہے جو جزیرت العرب کے نام سے جانا جاتا ہے ویدا میں ہے کالکی اوتار کے باپ کا نام وشنو بھگت اور ماں کا نام سومانب ہوگا سنسکرت میں وشنو اللہ کو اور بھگت بندہ کے لیے استعمال ہوتا ہے اس طرح وشنو بھگت کا عربی ترجمہ عبداللہ بنتا ہے سومانب سنسکرت میں امن آشتی کو کہتے ہیں اور اس کا عربی ترجمہ آمنہ ہوا عبداللہ اور آمنہ حضرت محمد صلی اللہ علیہ وآلہ وسلم کے والد اور والدہ کا نام ہے

کالکی اوتار کے بارے میں مزید کہا گیا ہے کہ بھگوان اپنے خاص پیغام رساں کے ذریعے انہیں غار میں علم سکھائیں گے اور یہ بات بھی صرف حضرت محمد(صلی اللہ علیہ وآلہ وسلم )پر صادق آتی ہے جنہیں اللہ تعالیٰ نے غار حرا میں حضرت جبرائیل علیہ السلام کے ذریعے علم سے نوازا

ہندوؤں کی مقدس کتابوں میں تحریر ہے کہ بھگوان کالکی اوتار کو ایک تیز رفتار گھوڑا دیں گے جس سے وہ اس دنیا کے گرد اور ساتوں آسمانوں کی سیر کریں گے حضرت محمد صلی اللہ علیہ وآلہ وسلم کی براق کی سواری اور واقعہ معراج اسی جانب اشارہ کرتا ہے

مقدس کتابوں میں تحریر ہے کہ کالکی اوتار گھڑ سواری، تیر اندازی اور تیغ زنی میں ماہر ہوگا مصنف وید پرکاش کہتا ہے کہ اس پیشنگوئی کی جانب خصوصی توجہ دینے کی ضرورت ہے کیونکہ گھوڑوں نیزوں اور تلواروں کا دور اب گزر چکا ہے اور ایسی صورت میں نیزوں بھالوں سے مسلح اوتار کا انتظار کرنا غیر دانشمندانہ اقدام ہوگا کہ کالکی اوتار درحقیقت حضرت محمد صلی اللہ علیہ وآلہ وسلم ہیں اور یہ ان کی طرف واضح اشارہ ہے جسے اللہ نے آسمانی کتاب قرآن دیکر پوری کائنات کے لیے رہنما بنا کر بھیجا لہٰذا ہندوؤں کو اب فوراً اسلام قبول کرلینا چاہیے (روزنامہ جنگ ،روزنامہ نوائے وقت لاہور ٩دسمبر ١٩٩٧) (رضائے مصطفے گوجرانوالہ رمضان المبارک ١٤١٨ھ)

ورفعنالک ذکرک کا ہے سایہ تجھ پر
بول بالا ہے تیرا ذکر ہے اونچا تیرا

آخر میں اللہ رب العزت سے دعا ہے کہ اے مالک کائنات اپنے پیارے محبوب کے صدقے پاکستان کو امن و سلامتی کا گہوارہ بنا (آمین)