زیر نظر کتاب "امام احمد رضا اور مدینہ منورہ " عزیزم مولانا محمد توفیق احسن برکاتی مصباحی کی قلمی مساعی کا ایک حسین نمونہ ہے، بڑے اچھوتے عنوان پر قلم اٹھایا ہے اور خوب لکھا ہے ۔۔۔۔۔۔۔۔۔۔۔۔۔ "جان و دل ، ہوش و خرد سب تو مدینے پہنچے۔۔۔۔۔۔۔۔۔۔۔۔۔ تم نہیں چلتے رضا سارا تو سامان گيا"............... جیسا پاکیزہ شعر جس شاعر کے قلم سے نکلاہے ،یقینا اسکا مدینے سے بڑا گہرا تعلق ہو گا،اس پوری کتاب میں اس شعر کی عکاسی ملاحظہ کی جا سکتی ہے ، امام احمد رضا کو تو مدینے سے عشق تھا، مدینے کے ذرے ذرے سے عشق تھا ، مدینے والے آقا صلی اللہ علیہ وآلہ وسلم کی آل پاک سے عشق تھا، وہ فرماتے ہیں۔۔۔۔۔۔۔ "تیری نسل پاک میں ہے بچہ، بچہ نور کا۔۔۔۔۔۔۔۔۔ تو ہے عین نور ،تیرا سب گھرانا نور کا.............. تو کیوں نہ ہو کہ اس عاشق مدینہ کے مدینے سے رشتے و تعلق خاطر کو اجاگر کیا جاۓ ، اس عاشق صادق کی ایک ایک ادا کو آشکار کیا جاۓ، تاکہ اس کے صدقے میں فیضان مدینہ عام ہو ۔ مصنف نے یہی کوشش کی ہے کہ عاشق مدینہ امام احمد رضاخان کے ان آثار و معارف کو صفحات قرطاس پر بکھیر دیں اور اہل دل ان سے محفوظ ہوں